საქართველო იშვიათი მეტალის ექსპორტიორი გახდება
უახლოეს რამდენიმე წელში საქართველო შესაძლოა, ერთ-ერთი იშვიათი მეტალის ანთიმონითის ექსპორტიორი გახდეს. კომპანია “კავკასიის მინერალები”, რომელიც ერთ-ერთი ყველაზე მსხვილი საბადოს, ზოფხითოს შესწავლა-მოპოვების ლიცენზიას ფლობს, წელს მეტალის სატესტო წარმოების დაწყებას გეგმავს. კომპანიის სამომავლო გეგმა კი მსოფლიო ბაზრისთვის საკუთარი პროდუქციის შეთავაზებაა.
როგორც “კავკასიის მინერალების” ხელმძღვანელმა კახა კუჭავამ PALITRANEWS-ის გადაცემა “ბიზნესპერსონაში” განაცხადა, საბადოში რამდენიმე ასეული მილიონი ლარის ღირებულების ანთიმონითის მარაგები არსებობს.
კომპანიის ხელმძღვანელი იმ უპირატესობებზეც საუბრობს, რაც შესაძლოა საქართველოს ანთიმონითის უმსხვილეს მწარმოებელთან, ჩინეთთან შედარებით ჰქონდეს.
