29/03/2024
Latest:
მსოფლიო

Toyota-ს რამდენიმე მილიონი დოლარის ზარალი ემუქრება

Toyota Motor Corp-ის შემოსავლებმა მიმდინარე კვარტალში, შესაძლოა, 30 მილიარდი იენით ანუ 277 მილიონი დოლარით იკლოს. სამხრეთ იაპონიაში მომხდარი მიწისძვრების გამო, მსოფლიოს უმსხვილესმა ავტომწარმოებელმა კომპანიამ გარკვეული ტიპის ნაწილების მიწოდება შეაჩერა.
რაც შეეხება დანაკარგებს, ამ პერიოდში კომპანია, სავარაუდოდ, ვერ აწარმოებს Toyota-სა და Lexus-ის ბრენდის 57 000 ავტომობილს, ხოლო Daihatsu Motor Co-ს – 7500 ერთეულს.
Toyota-ს კიუშიუს ქარხნების წარმოების შეჩერება გასული კვირის ბოლოს მოხდა და ეს მდგომარეობა მიმდინარე კვირის ბოლომდე შენარჩუნდება.

შეგახსენებთ, კომპანიისთვის მიწისძვრის შედეგად მიყენებული ზარალი პირველი არ არის. 2011 წლის დამანგრეველი მიწისძვრის დროს Toyota-ს ზარალმა მილიარდებს მიაღწია და ძველი ნიშნულის დაბრუნებას რამდენიმე წელი მოანდომა.

bpn.ge