გიორგი ლაღიძე დავით-გარეჯის ირგვლივ არსებულ ვითარებას ეხმაურება – “მოვუწოდებ საქართველოს ხელისუფლებას და საპატრიარქოს”

პარტია ,,მომავალი საქართველო“-ს ლიდერი გიორგი ლაღიძე დავით-გარეჯის ირგვლივ არსებულ ვითარებას ეხმაურება. მისი განცხადებით საქართველოს ხელისუფლებამ გამოავლინა სრული უუნარობა და უსუსურობა რამაც კიდევ უფრო გაათამამა დღეს უკვე ოკუპანტად გადაქცეული აზერბაიჯანი და სრულიად ჩაკეტა ბერთუბანი, ჩიჩხიტური და უდაბნოს მონასტერთან მისასვლელი გზები.

მინდა კიდევ ერთხელ გამოვეხმაურო დავით-გარეჯის ირგვლივ განვითარებულ მოვლენებს, სამწუხაროდ საქართველოს ხელისუფლებამ გამოავლინა სრული უუნარობა და უსუსურობა რამაც კიდევ უფრო გაათამამა დღეს უკვე ოკუპანტად გადაქცეული აზერბაიჯანი და სრულიად ჩაკეტა ბერთუბანი, ჩიჩხიტური და უდაბნოს მონასტერთან მისასვლელი გზები, რაც უსპობს საშუალებას მომლოცველებს ტურისტებსა და სასულიერო პირებს მოილოცონ ჩვენი ისტორიული სიწმინდეები. უფრო მეტიც აზერბაიჯანულმა მხარემ დავით-გარეჯის მიმდებარე ტერიტორიაზე სამხედრო ბაზაც გახსნა რაც კიდევ უფრო ზრდის ისედაც დაძაბულ ვითარებას.

კიდევ ერთხელ მოვუწოდებ საქართველოს ხელისუფლებას ასევე საპატრიარქოს დაუყოვნებლივ მოახდინონ მკაცრი და ადეკვატური რეაგირება საქართველოს ტერიტორიის ოკუპაციასთან დაკავშირებით აზერბაიჯანის მხრიდან, გააცნონ საზოგადოებას სახელმწიფო დემილიტაციის კომისიის მუშაობის შედეგები და დაიცვან ქართული ისტორიული სიწმინდეები, თუ ხელისუფლება კვლავაც გააგრძელებს დავით-გარეჯის საკითხის იგნორირებას, მივიჩნევთ რომ ადგილი აქვს ქართული სახელმწიფოს და ქართველი ხალხის ინტერესების ღალატს! – აცხადებს ლაღიძე.

კომენტარები

კომენტარი