ბოლო სიახლეები

„დაავალე მიშას“ – „ნაციონალურმა მოძრაობამ“ ახალი საარჩევნო კამპანია დაიწყო

„ნაციონალურმა მოძრაობამ“ დაიწყო ახალი საარჩევნო კამპანია „დაავალე მიშას“, – ამის შესახებ „ნაციონალური მოძრაობის“ წევრმა, ზაალ უდუმაშვილმა დღეს გამართულ ბრიფინგზე განაცხადა.

მისი თქმით, ყველა დავალება, რომელსაც პარტიის მაჟორიტარი დეპუტატობის კანდიდატები მოსახლეობისგან მიიღებენ, „ნაციონალური მოძრაობის“ პრემიერობის კანდიდატს, მიხეილ სააკაშვილს გადაეცემა.

„საქართველოს მასშტაბით, თითქმის ყველა მაჟორიტარულ ოლქში ჩვენი მაჟორიტარობის კანდიდატები აქტიურად მართავენ წინასაარჩევნო კამპანიას და დღეს, ჩვენ ვიწყებთ ახალ კამპანიას „დაავალე მიშას“, რაც გულისხმობს შემდეგს – ჩვენთვის ახლა უმნიშვნელოვანესია, თქვენ რა მოლოდინი გაქვთ „ნაციონალური მოძრაობისგან“ ხელისუფლების ცვლილების შემდეგ. ასევე, უმნიშვნელოვანესია, რა მოლოდინი გაქვთ ჩვენი პრემიერ-მინისტრობის კანდიდატისგან. ამიტომ, ჩვენი მაჟორიტარები შემოივლიან ყველა სოფელს, რაიონს და უშუალოდ თქვენგან მიიღებენ იმ დავალებებს, რომელიც სასწრაფოდ უნდა გადაიჭრას. ჩვენ ვდებთ პირობას, რომ ხელისუფლების ცვლილების შემდეგ სწორედ ეს რჩევები და დავალებები იქნება ის გზავნილები, რომლითაც უნდა დავიწყოთ ძალიან მნიშვნელოვანი პრობლემების გადაჭრა. ყველა დავალება გადაეცემა ჩვენი პრემიერობის კანდიდატს და შემდგომ მიხეილ სააკაშვილი თავად მოგახსენებთ თავის გეგმას იმის შესახებ, თუ როგორ უნდა გადაიჭრას ყველა ის პრობლემა, რომელიც მოსახლეობაში დაგროვდა. ჩვენ ერთად უნდა ავაშენოთ მდიდარი საქართველო ძლიერი ოჯახებით. ველით დავალებებს“ – განაცხადა უდუმაშვილმა.

ავტორი: აკაკი წოწონავა

ჩვენი მთავარი მიზანია სწორი და მიუკერძოებელი ინფორმაცია მივაწოდოთ საზოგადოებას! პატივი ვცეთ ხალხის აზრს! კონტაქტი: (+995) 577 18 06 19 info@gnn.ge www.gnn.ge ყველა უფლება დაცულია!
x

ასევე ნახეთ

მნიშვნელოვანია, რომ გაკეთდეს ინფორმირებული არჩევანი, მედია ამაში გადამწყვეტ როლს ასრულებს

საქართველოში გაერო-ს განვითარების პროგრამის ხელმძღვანელმა ლუიზა ვინტონმა 2020 წლის საპარლამენტო არჩევნების მედიამონიტორინგის შუალედური ანგარიშის პრეზენტაციაზე ...