ბოლო სიახლეები

გიორგი კვირიკაშვილი : ეკონომიკურ დანაშაულზე წინასწარი პატიმრობა გამონაკლის შემთხვევებში იქნება გამოყენებული

ეკონომიკურ დანაშაულზე წინასწარი პატიმრობა გამონაკლის შემთხვევებში იქნება გამოყენებული, – ამის შესახებ ”ქართული ოცნება დემოკრატიული საქართველოს” თავმჯდომარემ, პარტიის საარჩევნო სიის პირველმა ნომერმა გიორგი კვირიკაშვილმა განაცხადა.
“ჩვენ სხვა ნაბიჯებიც გვაქვს დაგეგმილი და ეს არის ეკონომიკური დანაშაულის ლიბერალიზაცია, წინასწარი პატიმრობის ზომის გამოყენების ლიმიტაცია. მაქსიმალურად, ძალიან გამონაკლის შემთხვევებში იქნება გამოყენებული წინასწარი პატიმრობა ეკონომიკურ დანაშაულზე.
მოგეხსენებათ, ეს ზომა გამოიყენებოდა წარსულში საქართველოში, ხშირად პოლიტიკური მიზნებით. ამიტომ ჩვენთვის ეს ყველაფერი არის უცხო. ამიტომ ვფიქრობთ, რომ ეკონომიკურ დანაშაულზე მხოლოდ ძალიან გამონაკლის შემთხვევებში უნდა იყოს გამოყენებული ასეთი ზომა”,- განაცხადა პრემიერმა.
პარტიის პროგრამის პრეზენტაციაზე გიორგი კვირიკაშვილმა ყურადღბა ეკონომკურ სექტორში განხორციელებულ და განსახორციელებელ პროგრამებზეც გაამახვილა, რომელიც, მისივე თქმით, თვისობრივად, ხარისხობრივად და ფიზიკურად შეცვლის ქვეყნის ეკონომიკას.
“ეს არის მიღწევადი და ამის განხორციელებას ჩვენ ვაპირებთ არჩევნების მეორე დღიდან, თუმცა საწყისი ნაბიჯები უკვე გადადგმულია. ეს გახლავთ ოთხპუნქტიანი გეგმა, რომელიც ემყარება იმ საფუძველს, რომელიც გასული ოთხი წლის განმავლობაში შეიქმნა. გასული ოთხი წლის განმავლობაში მოვახდინეთ მნიშვნელოვანი გარდატეხა ქვეყნის ცხოვრებაში. ეს არის წნეხისგან გათავისუფლებული ბიზნესი, დაცული საკუთრების უფლება, მეწარმეობის ხელშეწყობა მრავალრიცხოვანი სახელმწიფო პროგრამების საშუალებით. სწორედ ამ საფუძველს ეყრდონობა ის ოთხპუნქტიანი გეგმა, რომლის სწრაფი განხორციელებაც მოიტანს ნამდვილ ეკონომიურ გარღვევას და ოთხი წლის თავზე ჩვენ მივიღებთ თვისობრივად სხვა ქვეყანას”,- აღნიშნა გიორგი კვირიკაშვილმა.
საქართველოს პრემიერმინისტრმა ანაკლიის პორტის მშენებლობაზეც ისაუბრა. მისი თქმით, მშენებლობის პირველი ფაზა სამ წელიწადში დასრულდება. გიორგი კვირიკაშვილმა ყურადღბა აბრეშუმის გზის მნიშვნელობასა და ამ მხრივ მმართველი ძალის მუშაობაზეც გაამახვილა.
”აბრეშუმის გზის პოტენციალის სრული განხორციელებისთვის ჩვენ ძალიან მნიშვნელოვან ნაბიჯებს ვდგამთ და დღეს უკვე შესაძლებელია პირდაპირი მატარებლის მოძრაობა ჩინეთსა და საქართველოს შორის. 7 დღის განმავლობაში მოხდა ბოლო მატარებლის დაკავშირება და რა თქმა უნდა, ბაქო-თბილისი-ყარსის რკინიგზა და სხვა სარკინიგზო მაგისტრალები, რომლებიც საქართველოს სატრანზიტო ფუნქციას თვისობრივად შეცვლის.
აუცილებლად უნდა ვახსენო ანაკლიის ღრმაწყლოვანი პორტი, რომლის მშენებლობაც წელს დაიწყება და რომლის პირველი ფაზაც სამ წელიწადში დასრულდება. ამ პირველი ფაზის შედეგად საქართველოს კონტეინერების სატრანზიტო პოტენციალი ორჯერ გაიზრდება. 500 ათასი ერთეულით გაიზრდება სატრანზიტო პოტენციალი, რაც პირდაპირპროპორციულად არის დაკავშირებული საქართველოში სამუშაო ადგილების შექმნასთან”, – განაცხადა გიორგი კვირიკაშვილმა.

ავტორი: natia

x

ასევე ნახეთ

რას გამოიწვევს მეორე ტურში ოპოზიციის კანდიდატების ბოიკოტი

საქართველოში საპარლამენტო არჩევნების შედეგებს ოპოზიცია უნდობლობას უცხადებს და არჩევნების არალეგიტიმურად ცნობას ითხოვს. ოპოზიციონერი პოლიტიკოსების ნაწილის ...