ბოლო სიახლეები

ნინო ბურჯანაძე : რეგიონებში არავის უთქვამს ნატო და ევროკავშირი გვინდაო, რუსეთთან ურთიერთობის აღდგენის სურვილი კი ბევრს აქვს

„დემოკრატიული მოძრაობის“ ლიდერი ნინო ბურჯანაძე გურიაში ჩოხატაურის მოსახლეობას შეხვდა.
ბურჯანაძის განცხადებით, მის პარტიას იმასთან დაკავშირებით, თუ როგორ შეიძლება რაიონები და სოფლები დაცლას გადაურჩეს, კონკრეტული გეგმები აქვს.
მისივე თქმით, ხელისუფლებაში მოსვლის შემდეგ მოაგვარებს როგორც საშინაო, ასევე საგარეო პოლიტიკურ პრობლემებს.
,,ადამიანები ძალიან წუხან. მათი მდგომარეობა არის უკიდურესად მძიმე, მაგრამ მათ აქვთ რეალური ცვლილებების იმედები: არც „ნაციონალური მოძრაობა“ უნდათ, არც „ქართული ოცნება“ და იმედი მაქვს, რომ ისინი მხარს დაგვიჭერენ და შემოხაზავენ 3 ნომერს.
ჩვენ გვაქვს კონკრეტული გეგმები – როგორ გადავარჩინოთ სოფლები, როგორ გადავარჩინოთ რაიონები დაცლისაგან. ჩვენ გვაქვს კონკრეტული გეგმა საგარეო პოლიტიკასთან დაკავშირებით. მე დავდივარ რეგიონებში, რაიონებში, სოფლებში და არავის უთქვამს, რომ ნატო და ევროკავშირი გვინდაო, ხოლო რუსეთთან ურთიერთობის აღდგენის სურვილი ძალიან ბევრი ადამიანისგან მოვისმინე. მე ვჭირდები ჩემს ამომრჩეველს და ჩემი ხელისუფლებაში მოსვლის შემდეგ მოვაგვარებ როგორც საშინაო, ისე საგარეო პოლიტიკის პრობლემებს“ – განაცხადა ბურჯანაძემ.
დღესვე „დემოკრატიული მოძრაობის“ ლიდერი რუისის მოსახლეობასთან გამართავს შეხვედრას.

ავტორი: natia

x

ასევე ნახეთ

რას გამოიწვევს მეორე ტურში ოპოზიციის კანდიდატების ბოიკოტი

საქართველოში საპარლამენტო არჩევნების შედეგებს ოპოზიცია უნდობლობას უცხადებს და არჩევნების არალეგიტიმურად ცნობას ითხოვს. ოპოზიციონერი პოლიტიკოსების ნაწილის ...