პარლამენტის საგაზაფხულო სესია 4 თებერვალს გაიხსნება
4 თებერვალს პარლამენტის საგაზაფხულო სესია გაიხსნება.
XI მოწვევის პარლამენტი “ქართული ოცნების“ 81 წევრით არის წარმოდგენილი და ამავე პარლამენტში, საპარლამენტო ოპოზიციის სტატუსით, “ქართული ოცნებისგან“ გამოყოფილი “ხალხის ძალა“ საქმიანობს.
ბარიერგადალახული ოპოზიციური გაერთიანებები კი, 26 ოქტომბრის საპარლამენტო არჩევნებს გაყალბებულად და არალეგიტიმურად აცხადებენ და საპარლამენტო საქმიანობაში ჩართვას არ აპირებენ. სამმა პოლიტიკურმა სუბიექტმა – “კოალიცია ცვლილებებისთვის”, “ძლიერმა საქართველომ“ და “ერთიანობა – ნაციონალურმა მოძრაობამ“ პარლამენტს მანდატების გაუქმების მოთხოვნით გასული წლის ნოემბერში მიმართეს, თუმცა უმრავლესობას საკითხი ამ დრომდე არ განუხილავს.
