იაპონიამ საქართველოს სუფთა დიზელის ტიპის ტრანსპორტის შესაძენად 4.2 მილიონის გრანტი გამოუყო

იაპონიის მთავრობამ საქართველოსთვის სუფთა დიზელის ტიპის ტრანსპორტის შესაძენად 4.2 მილიონის გრანტი გამოყო. ინფორმაცია ამის შესახებ ჟურნალისტებს, მთავრობის სხდომის დასრულების შემდეგ, ეკონომიკის მინისტრმა, დიმიტრი ქუმსიშვილმა მიაწოდა.

„დღეს ჩვენ მოვიწონეთ გრანტის ხელშეკრულება. ეს არის 4.2 მილიონიანი გრანტი, რომელსაც იაპონიის მთავრობა გამოყოფს. ეს არის სუფთა ტრანსპორტის შესაძენად. ამ თვის ბოლომდე იაპონიის მთავრობის სააგენტო „ჯაიკა“ უკვე დააკონტრაქტებს სპეციალურ აგენტს, რომლის მეშვეობითაც მოხდება ავტოსატრანსპორტო საშუალებების შერჩევა. საუბარია სუფთა დიზელის ტიპის ტრანსპორტზე“,- აღნიშნა ქუმსიშვილმა.

წყარო: მედიანიუსი