Samsung-ი Galaxy Note 7 -ის ბაზრიდან გაწვევით $22 მილიარდით გაიაფდა
Galaxy Note 7–ის სმარტფონებში ბატარეის პრობლემების გამო, Samsung Electronics-ის აქციები 10%-ზე მეტად გაიაფდა.
Reuters-ი ანალიტიკოსების შეფასებაზე დაყრდნობით წერს, რომ კომპანიის იმიჯისთვის მიყენებულმა ზარალმა შესაძლოა 211 მლრდ აშშ დოლარს მიაღწიოს.
Samsung -ის აქციების ფასზე 8 სექტემბერს დაწყებული ვარდნა კი, გრძელდება. 12 სექტემბერს კორეის საფონდო ბირჟაზე 1 აქციის ფასი 1,465 მლნ კორეული ვონი იყო, ბოლო დღეების ვარდნა 10,6%-ია.
Bloomberg-ი აღნიშნავს, რომ ბოლო 2 სავაჭრო სესიაზე აქციების გაიაფებამ Samsung Electronics-ის კაპიტალიზაცია 22 მლრდ აშშ დოლარით შეამცირა და ახლა 226,375 მლრდ აშშ დოლარს შეადგენს.
შეგახსენებთ, კომპანიამ უკვე გაიწვია ბაზრიდან ახალი ფლაგმანური სმარტფონი და ხარვეზის სწრაფად გამოსწორების პირობა დადო.
წყარო: GBC