„ბანკები და ფინანსების“ გამოკითხვაში საუკეთესო სუპერმარკეტების ქსელი ,,კარფურია“
გაზეთ „ბანკები და ფინანსების“ მკითხველთა აზრით, საქართველოში საუკეთესო სუპერმარკეტების ქსელი ,,კარფურია“. გამოკითხვაში, რომელიც 2015 წლის 22 სექტემბრიდან 4 ოქტომბრის ჩათვლით, გამოცემის ვებ-გვერდ www.bfm.ge-ზე მიმდინარეობდა 1264-მმა ადამიანმა მიიღო მონაწილეობა. ერთი კომპიუტერიდან ხმის მიცემა შესაძლებელი იყო მხოლოდ ერთხელ.
გამოკითხულთა 23%-ის (288 ხმა) აზრით, საქართველოში არსებულ სუპერმარკეტების ქსელებს შორის საუკეთესო ,,კარფურია“. გამოკითხვაში მეორე ადგილზე ,,ნიკორას და ნუგეშის“ ქსელი გავიდა, რომელიც ახლახანს გაერთიანდა და საუკეთესოდ გამოკითხულთა 21%-მა (262 ხმა) შეაფასა.
| სუპერმარკეტი | ხმების რაოდენობა | პროცენტული რაოდენობა |
| გუდვილი | 177 | 14% |
| სპარი | 18 | 1% |
| კარფური | 288 | 23% |
| ნიკორა, ნუგეში | 262 | 21% |
| ორი ნაბიჯი | 78 | 6% |
| ფრესკო | 158 | 13% |
| სმარტი | 126 | 10% |
| ფუდმარტი, იოლი | 23 | 2% |
| ფურშეტი | 50 | 4% |
| სხვა | 85 | 7% |
გამოკითხვაში წარმოდგენილი იყო 9 ყველაზე მსხვილი სუპერმარკეტების ქსელი. საუკეთესო სუპერმარკეტების სამეულში მოხვდა ,,გუდვილი“ 14% (177 ხმა).
საუკეთესო სუპერმარკეტების ქსელის გამოსავლენად, www.bfm.ge-ის გამოკითხვაში, სხვა პოზიციები შემდეგნაირად განაწილდა: ,,ფრესკო“ 13% (158 ხმა), ,,სმარტი“ 10% (126 ხმა), ,,ორი ნაბიჯი“ 6% (77 ხმა), ,,ფურშეტი“ 4% (50 ხმა), ,ფუდმარტი და იოლი“, რომლებსაც ერთი დამფუძნებელი ჰყავთ 2% (23 ხმა), ,,სპარი“ 1% (18 ხმა), სხვა 7% (85 ხმა).
