მედიკამენტების ხარისხის კონტროლის გამკაცრება  ხელს შეუწყობს ინდური ჯენერიკების მიმართ საზოგადოების ნდობის ამაღლებას

ბოლო პერიოდში, ჯანდაცვის სამინსტრო ფარმაცევტული ბაზარზე შექმნილი მდგომარეობის  დარეგულირების მიზნით, რამდენიმე ინიციატივით გამოვიდა, რომელიც  ჯენერიკების სეგმენტის გაფართოებასა და პარალელურ რეჟიმში ქვეყანაში მედიკამენტების ხარისხის კონტროლის გამკაცრებას ითვალისწინებს. როგორც სამინისტროში იმედოვნებენ, ეს ყველაფერი მედიკამენტებზე ხელმისაწვდომობას გაზრდის და საზოგადოებაში ჯენერიკების მიმართ ნდობა გაიზრდება. ამ ფონზე ბაზარზე ახალი ფარმაცევტული კომპანია „ჰუმანიტი ჯორჯია“ გამოჩნდა, რომელიც მოსახლეობას ჯენერიკების ფართ სპექტრს შესთავაზებ.ს სამინისტროში მიაჩნიათ, რომ ახალი კომპანიის გამოჩენა ბაზარზე კონკურენციას გაზრდის და ზოგადად, ფაქტი მისასალმებელია.

არსებულ მდგომარეობას ორთოპედ–ტრავმატოლოგი ბასი ტყეშელაშვილი გამოეხმაურა:

„როდესაც ვსაუბრობთ ჯენერიკ მედიკამენტზე, მნიშვნელოვანია, თუ რომელი კომპანიის მიერ არის წარმოებული წამლები. მე მაინც მიმაჩნია, რომ მთავარია ქვეყანაში მედიკამენტების  ხარისხის კონტროლი უმაღლეს დონეზე იყოს აყვანილი და  წამლის წარმომავლობას, თუ რომელი ქვეყენა აწარმოებს ან კომპანია მნიშვნელობა არ ექნება. საზოგადოება იქნება დაცული. დღეს, როდესაც შეხება მაქვს ჯენერიკ მედიკამენტთან, მაინტერესებს სად არის წარმოებული,რადგან მინდა ვიცოდე რა სტანდარტებთან მაქვს შეხება. პირადად არ მსმენია „ჰუმანითი ჯორჯიას“ შესახებ, თუმცა ზოგადად ფაქტი მნიშვნელოვანია. ძალიან ბევრი წამლის საწარმო არის ინდოეთში და ცალსახად იმის თქმა, რომ ინდური წამალი არ არის სანდო, არ იქნება სამართლიანი. თუმცა მიმაჩნია, რომ მკაცრად უნდა მოწმდებოდეს საქართველოში ყველა იმპორტირებული მედიკამენტის ხარისხი. თუ ჯანდაცვის სამინისტრო შეასრულებს დანაპირებს, რომ მედიკამენტების ხარისხის კონტროლს გაზრდის და ეს კონტროლი მოხდება მართლაც საერთაშორისოდ აღიარებულ ლაბორატორიებში, სანდოობა მაღალი იქნება, და ექიმს მედიკამენტების მწარმოებელ ქვეყნებზე კითხვები აღარ გაუჩნდება“, – აღნიშნა ბასი ტყეშელაშვილმა.