თბილისში ტრამვაის დაბრუნება იგეგმება
თბილისში ტრამვაის დაბრუნება იგეგმება. შესაბამისი გეგმა დედაქალაქის მერიის მიერ შემუშავებულ დოკუმენტშია გაწერილი, რომელიც საცობების განმუხტვისა და საგზაო უსაფრთხოების უზრუნველყოფის მიზნით დაგეგმილ ღონისძიებებს ეხება.
დოკუმენტის მიხედვით, ტრამვაის პროექტის განხორციელება დელისი-ორთაჭალის მიმართულებით მოხდება. თუმცა, კონკრეტული თარიღი, თუ როდის განხორციელდება პროექტი, დოკუმენტში მითითებული არ არის.
თბილისის მერიის მიერ შედგენილ დოკუმენტში ტრამვაის აღდგენა გრძელვადიან გეგმებში მოიაზრება.
