ბოლო სიახლეები
რეკლამა
რეკლამა
რეკლამა
რეკლამა
რეკლამა
რეკლამა

რაჯ კაპურის გზა რიში კაპურმა განაგრძო

სულ ახლახან, საქართველოს ერთკვირიანი ვიზიტით ინდური კინოს მამად წოდებული რაჯ კაპურის ვაჟი – რიში კაპური ეწვია. ქართველ მაყურებელს ის ყველაზე მეტად ახსოვს და უყვარს თავის დროზე ძალიან ცნობილი ფილმიდან “ბობი”.

ჯერ კიდევ ნახევარ საუკუნეზე მეტი ხნის წინ, ინდური კინოს დელეგაცია აჰმედ აბასის მეთაურობით, საქართველოს სტუმრობდა. ამ დელეგაციაში იყვნენ რაჯ კაპური (რომელმაც ბევრისთვის საყვარელი სახეები შექმნა ფილმებში “ავარა” და “ბატონი 420”) , ნარგიზი და სხვა ინდოელი კინომოღვაწენი. მაშინ მათ აკაკი ხორავამ და სხვა ქართველმა მსახიობებმა უმასპინძლეს, დაათვალიერებინეს თბილისი, მაშინდელი კინოსტუდია, წარმოუდგინეს ქართული ცეკვა და სიმღერა, აჩვენეს სპექტაკლები და სხვ., რის შემდეგაც სტუმრები სამშობლოში დაბრუნდნენ. აქედან ჩაეყარა საფუძველი კინოხელოვნების ქართველ და ინდოელ წარმომადგენელთა მეგობრობას.

ახლა კი, თითქმის 60 წლის შემდეგ, მამის გზა მსახიობმა, პროდიუსერმა და რეჟისორმა – რიში კაპურმაც გამოიარა. ის ქართველებმა ისევე გულთბილად მიიღეს, როგორც თავის დროზე მამამისს დახვდნენ. რიში კაპური საქართველოს ეროვნულ კინოცენტრსაც ეწვია, შეხვდა საქართველოს კულტურისა და ძეგლთა დაცვის მინისტრ მიხეილ გიორგაძეს, რომელსაც საქართველოსა და ინდოეთს შორის მომავალ მეგობრობაზე ესაუბრა. სულ ბოლოს კი რიში კაპური საქართველოს კათალიკოს-პატრიარქმა, უწმინდესმა და უნეტარესმა ილია მეორემ მიიღო.

რიში კაპურის საქართველოში ვიზიტს ხელმძღვანელობდა კომპანია “ინტერთაიმენტის” დამფუძნებელი ირაკლი მაქაცარია და ინდური ფილმის მცოდნე დავით ბეჟიტაშვილი. მოსწავლეთა სასახლეში კი “პიონერფილმის” დარბაზში მას მასპინძლობა გაუწია “პიონერფილმის” ხელმძღვანელმა გრიგოლ ჩიგოგიძემ. სტუმრისთვის იცეკვეს ანსამბლ “ლაკშმის” (ხელმძღვანელი ნინო კრავეიშვილი) და სხვა ანსამბლების მოცეკვავეებმა. ამის შემდეგ, ქვეყნის სხვადასხვა ღირსშესანიშნაობების დათვალიერებიდან ძალიან მალე, შთაბეჭდილებებით დატვირთული რიში კაპური ინდოეთში დაბრუნდა.

“დრონი მეფობენ”, თუმცა ყველა ქვეყანაში საკუთარი მეფე ჰყავს კინოხელოვნებას. ასეთი იყო ინდოეთისათვის რაჯ კაპური და მის მიერ საქართველოსთვის გაკვალული მეგობრობის გზა დღეს კვლავაც განახლდა.

შორენა როსტომაშვილი

კომენტარები

კომენტარი

ავტორი: შორენა როსტომაშვილის ბლოგი

x

ასევე ნახეთ

“3000 ლარის გამო დაგვადეს ინკასო – “მაესტრო” გაჩერდა” – მამუკა ღლონტი

ჩვენმა ხელისუფლებამ 3000 ლარის გამო, დაგვადო ინკასო. ეს ნიშნავს, რომ უსახსრობის გამო, მედია გაჩერდება – ...