ბიძინა ივანიშვილი: ,,ჰესების მშენებლობა აუცილებლად გაგრძელდება აჭარაში“
ბიძინა ივანიშვილმა ბათუმში, რეგიონალურ მედიასთან შეხვედრისას ისაუბრა შუახევიჰესის მშენებლობაზე, როგორც უმსხვილეს საინვესტიციო პროექტზე და აღნიშნა, რომ პირადად მონაწილეობდა შუახევიჰესის ერთ-ერთი დამფუძნებლის, ტატა ჯგუფის ამ პროექტით დაინტერესების საკითხზე, ასევე აღნიშნა რომ ახალი ჰესების მშენებლობა აუცილებლად გაგრძელდება აჭარაში:
,,ნავთობზე ფასის ვარდნამ დროებით შეაფერხა ენერგეტიკის სამინისტრო, პატარა პაუზა გაკეთდა, რენტაბელობის პრობლემა დადგა, რამეთუ გაიაფდა ელექტროენერგია ნავთობის გაიაფებასთან ერთად, თუმცა ეს გადალაგდება და ჩვენ, ჩვენი ენერგო რესურსი და აჭარა ამით ძალიან მდიდარია, რა თქმა უნდა ავითვისოთ. ყველა ჰესი აშენდება და აშენდება უახლოეს დროში“.
