ელექტროენერგიის ექსპორტის ნახევარი თურქეთზე მოდის

ელექტროენერგიის მოხმარება ივნისში 6.4%-ით გაიზარდა, მას შემდეგ რაც “ჯორჯიან მანგანეზმა” (GM) მომპოვებლობითი სამუშაოები განაახლა.

G&T -ის  სტატისტიკით, GM-ის საქმიანობის აღდგენის სრული ეფექტი ივნისის თვეში აღინიშნა, ვინაიდან კომპანიამ სამუშაოები 20 მაისს განაახლა. “ჯორჯიან მანგანეზის” მოხმარება წინა წლის ანალოგიურ პერიოდთან შედარებით 14.3%-ით არის გაზრდილი. შიდა მოხმარება ივნისში წლიური 7.3%-ით არის გაზრდილი.

ზრდა დიდწილად განაწილების ლიცენზიანტების მიერ გაზრილი მოხმარების ხარჯზეა, რომელიც კონცენტრირებული იყო თბილისსა და მის შემოგარენზე (+13.4% წ/წ). გაზრდილია ენერგო-პროს აბონენტების მოხმარებაც (+3.4% წ/წ).

ივნისში ექსპორტი წინა წლის ანალოგიურ პერიოდთან შედარებით 14.6%-ით არის გაზრდილი, დიდწილად თურქეთის ხარჯზე. თურქეთში ივნისში ექსპორტირებული ელექტროენერგიის 50.2% გავიდა (+23.1% წ/წ), დანარჩენი რუსეთსა (29.2%, -5.6% წ/წ) და სომხეთზე (20.6%, +32.4% წ/წ) გადანაწილდა. წლიური 14.8%-ით არის გაზრდილი აფხაზეთის მოხმარება, მას შემდეგ რაც ბოლო სამი თვის განმავლობაში ზრდა მნიშვნელოვნად იყო შენელებული.

წყარო: Gbc.ge