აჭარაში ახალი სამთო-სათხილამურო კურორტი გაიხსნება

წელს ზამთრის სამთო-სათხილამურო სეზონს ახალი კურორტი გახსნის. სეზონი 5 დეკემბერს გოდერძის კურორტზე გაიხსნება. გოდერძის კურორტზე საბაგიროების მონტაჟი უკვე დასრულებულია.

კურორტზე სასტუმროს ტიპის 6 კოტეჯია განთავსებული, თითო 12 ადამიანზეა გათვლილი. საკუთარ სახლებს გააქირავებს ადგილობრივი მოსახლეობაც, რაც მათთვის დამატებითი შემოსავლის წყარო იქნება.

გოდერძის უღელტეხილი ზღვის დონიდან 2200 მეტრზე მდებარეობს. კურორტს რეგიონში ყველაზე გრძელი სათხილამურო ტრასა აქვს. საბაგირო გზის ყველაზე მაღალი ადგილი კი ზღვის დონიდან 2350 მეტრზეა.

შეგახსენებთ, რომ გოდერძის უღელტეხილზე სამთო-სათხილამურო კურორტის მშენებლობა 2012 წელს დაიწყო.