ავარია ქობულეთში – დაიღუპა 1, დაშავდა 4
ქობულეთში, სოფელ კოხში დღეს დილით ავტომობილი ხევში გადავარდა, რის შედეგადაც ერთი ადამიანი დაიღუპა, 4 კი დაშავდა. ინფორმაციას „მთავარი არხი” ავრცელებს.
მათივე ცნობით, დაშავებულები კლინიკაში გადაიყვანეს.
გავრცელებული ინფორმაციით, ახალგაზრდები კოხში მეგობრის დაბადების დღეზე იმყოფებოდნენ. უკან დაბრუნებისას კი მძღოლმა, სავარაუდოდ, საჭე ვერ დაიმორჩილა.
