23/05/2024
Latest:
სხვა

„ევროპა არის როგორც ბალკანეთის ქვეყნები, ასევე მოლდოვა და აუცილებლად იქნება ევროპის დღე საქართველოსთვის და ევროპის დღე ბელარუსისთვის“ – ვოლოდიმირ ზელენსკი

ევროპა არის როგორც ბალკანეთის ქვეყნები, ასევე მოლდოვა და აუცილებლად იქნება ევროპის დღე საქართველოსთვის და ევროპის დღე ბელარუსისთვის, – ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

უკრაინული მედიის ინფორმაციით, ზელენსკიმ ევროპარლამენტის პრეზიდენტ რობერტა მეცოლასთან ერთობლივ პრესკონფერენციაზე განაცხადა, რომ უკრაინა მალე დაელოდება ევროკავშირის ნაბიჯებს, რომლებიც აუცილებელია გაწევრიანებაზე მოლაპარაკებების დასაწყებად, მაგრამ ევროკავშირის გაფართოება ასევე უნდა გავრცელდეს ევროპის სხვა სახელმწიფოებზეც.

„ჩვენ შევასრულეთ ყველა პირობა, რომ მოლაპარაკებების ჩარჩო დამტკიცდეს ივნისში და რეალურად დაიწყოს მოლაპარაკებები უკრაინის გაწევრიანებაზე, ასევე მნიშვნელოვანია, რომ სხვა ხალხებისთვის, რომლებიც იმსახურებენ ევროკავშირში ყოფნას, ევროპულმა ერთიანობამ ნამდვილად იმუშაოს, რათა მათაც მოახდინონ თავიანთი კანდიდატის სტატუსის რეალიზება“, – აღნიშნა ზელენსკიმ.

მ.

კომენტარის დატოვება