ნიკორწმინდის ტაძარს რეაბილიტაცია ჩაუტარდება

კულტურული მემკვიდრეობის ძეგლს, ნიკორწმინდის ტაძარს რეაბილიტაცია ჩაუტარდება. რაჭა-ლეჩხუმისა და ქვემო სვანეთის გუბერნატორის ადმინისტრაციის ინფორმაციით, იგეგმება ასევე ტაძრის მიმდებარე ტერიტორიის რეაბილიტაცია და პროექტის განხორციელება 2017 წლის გაზაფხულზე დაიწყება.
მათივე ცნობით, გარდა ამისა, სოფლის ცენტრიდან ტაძრისკენ მიმავალ გზაზე არსებულ მიწის ნაკვეთზე გათვალისწინებულია სკვერის მოწყობა და სუვენირების მაღაზიის მშენებლობა.
აღნიშნულ საკითხთან დაკავშირებით სახელმწიფო რწმუნებულ-გუბერნატორი პაპუნა მარგველიძე რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის წარმომადგენლებს შეხვდა.