ტურიზმის დეპარტამენტის წარმატებული პიარკამპანიები ბელარუსში
ბოლო წლებში განსაკუთრებით მზარდია რეგიონში ბელარუსი ტურისტებისა და ვიზიტორების რაოდენობა. საზღვრის კვეთის მონაცემებზე დაყრდნობით, მიმდინარე წლის რვა თვეში ბელარუსი ვიზიტორების რაოდენობა აჭარაში 19,73% -ით გაიზარდა. აჭარისთვის ბელარუსი წელსაც რჩება ერთ-ერთ მნიშვნელოვან ტურისტულ ბაზრად, სადაც რეგიონის ტურისტული შესაძლებლობების რეკლამირებას აჭარის ტურიზმის დეპარტამენტი მარტიდან ახორციელებს.
სარეკლამო კამპანიები დეპარტამენტმს ბელარუსიის დედაქალაქ მისკსა და ბრესტში გარე რეკლამით დიწყო. აღნიშნული ქალაქების ცენტრალურ ქუჩებსა და მოედნებზე 61 ბილბორდი 2 თვის განმავლობაში იწვევდა ბელარუსების დანტერესებას რეგიონის ტურისტული პროდუქტებით. გარდა სტანდარტული ბილბორდებისა მინკის ყველაზე ხალხმრავალ ადგილზე განთავსებული იყო ბილბორდი, რომელზეც ყოველდღე ახლდებოდა ინფორმაცია ბათუმში იმ დღეს არსებული ამინდის პროგნოზის შესახებ. 1 თვის განმავლობაში ბილბორდების საერთო წვდომამ 1 500 000 000 შეადგინა.
რაც შეეხება პიარ აქტივობებს, ბელარუსში ჩატარებული ღონისძიებებიდან გამორჩეული იყო „აჭარის დღე“, რომელსაც მინკში პოპულარული მედიასაშუალებებისა და ტურსააგენტოების წარმომადგენლები ესწრებოდნენ. ღონისძიებაზე წარმოდგენილმა ფოლკლორმა, სამზარეულომ და მასტერკლასებმა სტუმრების განსაკუთრებული მოწონება დაიმსახურა, რაც შემდგომ ჟურნალისტების მიერ გამოქვეყნებულ მასალებში აისახა. აჭარის ტურისტული პოტენციალისა და მინსკში დეპარტამენტის მიერ განხორციელებული პიარ კამპანიების შესახებ რადიოში, ტელევიზიაში, ბეჭდურ და ონლაინ მედია საშუალებებში გამოქვეყნებული სტატიების, ბლოგებისა და ტელე-რადიო სიუჟეტების საერთო წვდომამ 7 685 000 მიაღწია.
დეპარტამენტმა რეგიონი ასევე წარადგინა ტურისტულ გამოფენაზე „Отдых“, სადაც ქართული მოტივებით შექმნილ ინდივიდუალურ სტენდზე გარდა სარეკლამო მასალებისა, ქართული ფოლკლორი, კერძები და ღვინო იყო წარმოდგენილი. პიარკამპანიების ფარგლებში შეიქმნა აჭარის ინტერაქტიური რუკაც, რომელიც ტურიზმის დეპარტამენტის ვებ-გვერდზე gobatumi.com განთავსდება. რუკა სამენოვანია და მასზე აჭარაში არსებული რესტორნები, ქართული კერძები და რეცეპტები, ასევე ტურისტული ღირსშესანიშნაობები და მარშრუტები იქნება განთავსებული.
რეგიონის ტურისტული პროდუქტების შესახებ ცნობადობის გაზრდის მიზნით ბელარუსში, ონლაინ სირცეში ჩატარდა ფოტოკონკურსებიც, რომელშიც ასობით ადამიანი იყო ჩართული. რეგიონში გასტონომიული ტურიზმის პოპულარობის მიზნით დეპარტამენტმა ორგანიზება გაუწია პრესტურს, რომლის ფარგლებშიც აჭარას პოპულარული მედიასაშუალებების წარმომადგენლები სტუმრობდნენ. პრესტურის ფარგლებში ქართული სამზარეულოს შესახებ 12-ზე მეტი ტელესიუჟეტი და სტატია გამოქვეყნდა ონლაინ-ბეჭდურ მედიაში. სტატიებისა და სიუჟეტების საერთო წვდომამ კი 4 მილიონს გადააჭარბა.
აჭარის შესახებ სტატიებისა და სიუჟეტების ნახვა შესაძლებელია შემდეგ ბმულზე სტატიები.
