ევროპის ჩემპიონატთან დაკავშირებით უსაფრთხოების უპრეცედენტო ზომებია მიღებული
საფრანგეთის ხელისუფლების განცხადებით, ევროპის საფეხბურთო ჩემპიონატთან დაკავშირებით, ქვეყანაში უსაფრთხოების უპრეცედენტო ზომებია მიღებული.
როგორც პარიზის მერის მოადგილემ ჟან-ფრანსუა მარტენსმა „ბიბისი“-ს განუცხადა, პარიზში იმყოფებიან დიდი რაოდენობით პოლიციელები.
ეიფელის კოშკთან, სადაც გულშემატკივრებისთვის განკუთვნილი ზონა გაიხსნა, უსაფრთხოების ისეთივე ზომები იქნება უზრუნველყოფილი, როგორც აეროპორტებში.
დღეს საღამოს პარიზის „სტად დე ფრანსის“ სტადიონზე “ევრო-2016”-ის გახსნის ოფიციალური ცერემონია გაიმართება.
როგორც მოსალოდნელია, საფრანგეთის 10 ქალაქში დაგეგმილ მატჩებს 7 მილიონამდე გულშემატკივარი დაესწრება.