01/03/2024
Latest:
საზოგადოება

“მედიის თავისუფლება არის ჩვენი ხელისუფლების ის მიღწევა, რომელსაც განსაკუთრებით ვუფრთხილდებით”

მედიის თავისუფლება არის ჩვენი ხელისუფლების ის მიღწევა, რომელსაც განსაკუთრებით ვუფრთხილდებით, – ამის შესახებ ჟურნალისტებს საქართველოს პარლამენტის თავმჯდომარე ირაკლი კობახიძემ განუცხადა, რითაც აშშ-ის საერთაშორისო განვითარების სააგენტოს ხელმძღვანელის მოადგილის, თომას მელიას განცხადებას გამოეხმაურა.

“მედიის თავისუფლება, მედიაპლურალიზმი არის ის მიღწევა, რომელიც საქართველოში პრაქტიკულად 2012 წლის შემდეგ დამყარდა. ეს არის ჩვენი ხელისუფლების მიღწევა და ამ მიღწევას ჩვენ განსაკუთრებით ვუფრთხილდებით. აქედან გამომდინარე, როგორც არ უნდა განვითარდეს კონკრეტული პროცესები, ჩვენ ყველაფერს გავაკეთებთ იმისთვის, რომ მედიის თავისუფლება და მედიაპლურალიზმი უზრუნველყოფილი იქნას”, – განაცხადა კობახიძემ.

აშშ-ის საერთაშორისო განვითარების სააგენტოს ხელმძღვანელის მოადგილის თომას მელიას განცხადებით, შეერთებული შტატების ადმინისტრაცია მტკიცედ უჭერს მხარს მედიის დამოუკიდებლობას. ამასთან, მისი თქმით, პლურალიზმი ის უმთავრესი ელემენტია, რომელზეც გავლენას ახდენს “რუსთავი 2”-თან დაკავშირებით მიმდინარე დავა.