რუსებმა დონეცკის ოლქის სოფელი დაბომბეს – დაღუპულია 2 ბავშვი
რუსებმა დონეცკის ოლქის სოფელი დაბომბეს, რის შედეგადაც 2 ბავშვი დაიღუპა – ამის შესახებ ინფორმაციას დონეცკის რეგიონული სამხედრო ადმინისტრაციის ხელმძღვანელი, პაველ კირილენკო Telegram-ზე ავრცელებს.
მისივე ცნობით, რუსებმა სოფელი არტილერიით დაბომბეს.
„შუადღის სამ საათზე, დონეცკის ოლქის სოფელი დრუჟბა არტილერიით დაბომბეს. ერთ-ერთი ჭურვი ეზოს მოხვდა, სადაც ბავშვები იყვნენ – 10 წლის ბიჭი და 16 წლის გოგო. და-ძმა. მათ სიცოცხლესთან შეუთავსებელი დაზიანებები მიიღეს.
გარდა ამისა, ამავე სოფელში დაბომბვის შედეგად მოხუცი ქალი დაიჭრა – ის საავადმყოფოში გადაიყვანეს“ – წერს პაველ კირილენკო.