ძველ თბილისში ავარიული სახლების კაპიტალური შეკეთება მიმდინარეობს
კრწანისის გამგეობა ძველ თბილისში ავარიული სახლების კაპიტალურ შეკეთებას განაგრძობს. თბილისის მერიის ცნობით, თანადაფინანსების პროექტის ფარგლებში, კონსტრუქციული ელემენტების გაძლიერების სამუშაოები უტარდება ლადო ასათიანის ქ.№20-ში მდებარე საცხოვრებელ სახლს.
მიმდინარეობს საძირკვლისა და შუა კედლისის გამაგრება ფოლადის გარსაკარით. მომდევნო ეტაპზე დაიწყება სახლის დაზიანებული ფასადის მოპირკეთება. სამუშაოების დასრულების შემდეგ შენობას შენარჩუნებული ექნება პირველადი სახე, რომელიც მიესადაგება იმდროინდელ არქიტექტურულ სტილს.სარემონტო სამუშაო ერთი თვის წინ დაიწყო და ივნისში დასრულდება. სახლში 14 ოჯახი ცხოვრობს. ასათიანის ქუჩაზე იმყოფებოდა კრწანისის გამგებელი, გიორგი კოპალეიშვილი.
წყარო: BPI
