ფეისბუქის წინააღმდეგ საქმე აღიძრა
გერმანიის ანტიმონოპოლიურმა სამსახურმა ამერიკული კომპანია ფეისბუქის ირლანდიური შვილობილი კომპანიისა და გერმანული წარმომადგენლობის წინააღმდეგ გამოძიება დაიწყო. კომპანიას ბაზარზე დომინანტური მდგომარეობის ბოროტად გამოყენებაში ადანაშაულებენ. გამოძიება ვარაუდობს, რომ “ფეისბუქის” მოხმარების პირობები არღვევს პერსონალური მონაცემების დაცვის წესებს. ანტიმონოპოლიური სამსახური გეგმავს, გამოიძიოს, დაკავშირებულია თუ არა მომხმარებელთა პირადი მონაცემების გამოყენება ქსელის დომინანტობასთან ბაზარზე.
