Google–მა მასტშაბური რესტრუქტურიზაციის შესახებ განაცხადა
ინტერნეტ-გიგანტმა Google-მა მასტშაბური რესტრუქტურიზაციის შესახებ განაცხადა.
როგორც ამერიკული კომპანიის ერთერთი დამფუძნებელი ლარი პეიჯი აცხადებს, Google-ი გახდება ჰოლდინგ Alphabet-ის შვილობილი, რომლის ჩამოყალიბება ახლა მიმდინარეობს.
Alphabet-ის შემადგენლობაში უმსხვილესი კომპანია Google-ი იქნება. ამასთან, აი-ტი კომპანიას ჩამოშორდება რიგი მიმართულებები, რომლებიც ჰოლდინგში ცალკე კომპანიებად გაერთიანდებიან.
ახალი ჰოლდინგის გენერალური დირექტორი ლარი პეიჯი გახდება, ხოლო Google-ის კიდევ ერთი დამფუძნებელი სერგეი ბრინი Alphabet-ის პრეზიდენტის პოსტს დაიკავებს.
ჰოლდინგი ასევე გააერთიანებს კომპანია „X lab”-ს, რომელიც უპილოტო ტრანსპორტირებაზე მუშაობს.
Google-ის აქციებს ბირჟებზე Alphabet-ის ანალოგიური ფასიანი ქაღალდები ჩაანაცვლებს, ხოლო ძველი აქციები ავტომატურად კონვერტირდება იგივე მოცულობის „Alphabet-ის აქციებში.
კორპორაცია Google-ი 1998 წელს შეიქმნა. მისი ძირითადი აქტივი ანალოგიური სახელწოდების საძიებო სისტემაა, რომელიც სტენფორდის უნივერსიტეტის სტუდენტებმა სერგეი ბრინმა და ლარი პეიჯმა სასწავლო პროექტად შექმნეს.
