თბილისი-ბათუმისა და ნატახტარი-ბათუმის მიმართულებით ავიარეისები შესრულდება

თბილისი-ბათუმისა და ნატახტარი-ბათუმის მიმართულებით ავიარეისები შესრულდება

ამის შესახებ ეკონომიკისა და მდგრადი განვითარების სამინისტროს შპს „საქართველოს აეროპორტების გაერთიანებიდან” განაცხადეს.

მათი ინფორმაციით, 24 ივნისიდან 27 სექტემბრის ჩათვლით, ყოველ ორშაბათს, ოთხშაბათსა და პარასკევს შესრულდება შიდა ავიარეისები ბათუმი-თბილისი-ბათუმის მიმართულებით.

ფრენებს 50 ადგილიანი CRJ100-ის ტიპის საჰაერო ხომალდით ყაზახური ავიაკომპანია SKYBUS შეასრულებს.

მიმდინარე წლის 21 ივნისიდან ყოველ სამშაბათს, ხუთშაბათსა და კვირას ავიაკომპანია “სერვისეარი” შეასრულებს ავიარეისებს ნატახტარი-ბათუმი- ნატახტარის მიმართულებით 17 ადგილიანი L410 ტიპის საჰაერო ხომალდით.

ფრენების განრიგი ასეთია – ორშაბათი და ოთხშაბათი: ბათუმი-თბილისი: 07:30; თბილისი-ბათუმი: 09:00
პარასკევი: ბათუმი-თბილისი: 19:25; თბილისი-ბათუმი: 20:50

სამშაბათი, ხუთშაბათი, კვირა: ნატახტარი – ბათუმი: 09:00; ბათუმი – ნატახტარი: 11:00.