24/02/2024
Latest:
ეკონომიკა

საქართველოს წამყვანი საექსპორტო პროდუქტი სპილენძის მადნებია

ექსპორტის თითქმის ნახევარი – 46 მილიონი, ჩინეთის ბაზარზე მოდის

საექსპორტო კალათაში ყველაზე დიდი წილი სპილენძის მადნებს და კონცენტრანტებს უჭირავს.

„საქსტატის“ ცნობით პირველ კვარტალში 84 მლნ აშშ დოლარის სპილენძის მადნები გავიდა ექსპორტზე, რაც მთლიანი ექსპორტის 19%-ია. ექსპორტის თითქმის ნახევარი – 46 მილიონი, ჩინეთის ბაზარზე მოდის.

მეორე ადგილზეა მსუბუქი ავტომობილები, რომლის  ექსპორტმა  38 მლნ. აშშ დოლარი შეადგინა. ბოლო 1 თვეში უცხოეთის ბაზრებზე 14,6 მილიონის ავტომობილების გავიდა, წინა თვეებთან შედარებით ზრდა ფიქსირდება, თუმცა ჯამური მაჩვენებელი, წლიურ ჭრილში 20 მილიონით არის შემცირებული.

კლებაა თხილის ექსპორტშიც, 19 მილიონით. იანვარ-მარტში უცხოეთში 33 მილიონის თხილი გავიდა, რაც მთლიანი ექსპორტის 7,4%-ია.

შემდეგ პოზიციაზე არიან:  ფეროშენადნობები – 27 მილიონით, აზოტოვანი სასუქები – 23 მილიონი, მინერალური წყლები – 19 მილიონი, ღვინო – 19 მილიონი, სამკურნალო საშუალებები – 19 მილიონი, ოქრო – 18 მილიონი. სპირტი და სპირტიანი სასმელები 17 მილიონი.

შეგახსენებთ, სულ ექსპორტი 443 მლნ. აშშ დოლარს შეადგენდა, 12%-ით ნაკლებს 2015 წლის პირველ სამ თვესთან შედარებით.