რუსეთის ეკონომიკა 2015 წელს 3,7%-ით შემცირდა

რუსეთის მთლიანი შიდა პროდუქტი 2015 წელს 3,7%-ით შემცირდა. ინფორმაციას BBC რუსეთის სტატისტიკის სამსახურზე დაყრდნობით ავრცელებს. მაჩვენებელი ემთხვევა საერთაშორისო სავალუტო ფონდის პროგნოზს, რომელიც ასევე აცხადებდა, რომ 2015 წელს რუსეთის ეკონომიკა 3,7%-ით შემცირდებოდა. სავალუტო ფონდი 2016 წლის პროგნოზსაც ავრცელებს, რომლის მიხედვით რუსეთის ეკონომიკა წელს 1%-ით შემცირდება.

BBC-ის ინფორმაციით, რუსეთის ეკონომიკური განვითარების სამინისტრო მშპ-ს 3,8-3,9%-იან შემცირებას პროგნოზირებდა. თუმცა, მინისტრმა ულიუკაევმა ჟურნალისტებს განუცხადა, რომ დეკემბერში რუსეთის ეკონომიკის შემცირების ტემპმა იკლო.

რუსეთის სტატისტიკის სამსახურის ინფორმაციით, 2015 წელს, უმუშევართა რიცხვმა ქვეყანაში მოსახლეობის 7,4%-ს მიაღწია, (4,264 მილიონი ადამიანი).

სტატისტიკის სამსახურის პროგნოზით რუსეთის ეკონომიკა ზრდაზე 2017 წელს გავა.