TAP-ის მშენებლობა მარტში დაიწყება
ტრანს ადრიატიკული მილსადენის (TAP) მშენებლობა მიმდინარე წლის მარტში დაიწყება. გაზსადენი “სამხრეთის გაზის დერეფნის” ფარგლებში შენდეება.
ტრანს-ანატოლიური გაზსადენი (TANAP) სამხრეთ კავკასიის მილსადენის გაგრძელება იქნება. TANAP-ი თურქეთის დასავლეთ საზღვართან ტრანსადრიატიკულ გაზსადენს შეუერთდება. აქედან TAP-ი გადაკვეთს საბერძნეთს და იტალიის გაზის ტრანსპორტაციის ქსელს შეუერთდება.
შაჰ_დენიზის პროექტის მეორე ფაზის ფარგლებში, თურქეთი გაზს მიიღებს უკვე 2018 წელს, ხოლო ტრანს_ადრიატიკული გაზსადენის (TAP) მშენებლობის დასრულების შემდეგ, სავარაუდოდ, 2020 წლის დასაწყისში გაზს მიიღებს ევროპა.
შაჰ_დენიზის პროექტის მეორე ფაზის განხორციელება ძალიან მნიშვნელოვანია საქართველოსთვისაც. პროექტის ფარგლებში საქართველოში ხორციელდება 2 მლრდ აშშ დოლარის ინვესტიცია. პროექტის დასრულების შემდეგ, საქართველოს ექნება შესაძლებლობა მიიღოს გაზის დამატებითი მოცულობები.
